பெருநாழி, கடலாடி, நரிப்பையூர் உள்ளிட்ட சுற்றுவட்டார பகுதிகளில் உள்ள போஸ்ட் ஆபீஸ்களில் தினசரி குறைந்தது 20 டோக்கன் கொடுத்து ஆதார் பதிவு செய்து விடுகின்றனர்.

ஆனால் சாயல்குடி போஸ்ட் ஆபீஸில் மட்டும் நெட் இல்லை சர்வர் இல்லை என ஏதாவது காரணத்தை சொல்லி பொதுமக்களை பள்ளி கல்லுாரி மாணவர்களை அலைக்கழிக்கின்றனர்.

சாயல்குடி பெரும் வணிகர் சங்க செயலாளர் செந்தில்குமார் கூறியதாவது:

சாயல்குடி நகர் பகுதியில் 20 ஆயிரத்திற்கும் அதிகமானோர் வசிக்கின்றனர். இந்நிலையில் நகரின் மையப் பகுதியில் உள்ள சாயல்குடி போஸ்ட் ஆபீஸில் புதியதாக ஆதார் எடுக்கவும், திருத்தம் உள்ளிட்டவைகளை செய்வதற்கும் வந்தால் இன்டர்நெட் பிரச்னை என சொல்லி அலைக்கழிக்கின்றனர்.

எனவே கூடுதலாக இன்டர்நெட் சேவையை அளிக்கவும், பொது மக்களுக்கான சேவையை விரிவுபடுத்தவும் நடவடிக்கை எடுக்க வேண்டும். இதுகுறித்து உயர் அதிகாரிகளுக்கு மனு கொடுத்துள்ளோம். எனவே மாவட்ட நிர்வாகம் குறைகளை நிவர்த்தி செய்வதற்கான நடவடிக்கை எடுக்க வேண்டும் என்றார்.