கண்காணிப்பு கேமரா அறையை எஸ்.பி.,சந்தீஷ் திறந்து வைத்தார். பின் அவர் பேசியதாவது:

மாவட்டத்தில் தற்போது வரை 2461 கேமராக்கள் வைக்கப்பட்டுள்ளது. சிசிடிவி கேமராவால் குற்றச் சம்பவங்கள் குறைந்து இருக்கிறது. தங்கள் பகுதியில் ஏதேனும் பிரச்னை என்றால் போலீசுக்கு தகவல் கொடுக்கவும். இளைஞர்கள் அனைவரும் தங்கள் பகுதியிலே பல்வேறு உயர் பதவியில் இருப்பவர்களை ரோல் மாடலாக எடுத்து நன்கு படித்து வாழ்க்கையில் முன்னேற வேண்டும்.

சிசிடிவி கேமராக்கள் குற்றம் கண்டுபிடிப்பதற்காக மட்டும் இல்லை. அதனை தடுப்பதற்கும் பெரிதும் உதவுகிறது. அரசு தேர்வுக்கு தயாராகும் மாணவர்கள் தகவல் தெரிவித்தால் தேவையான பயிற்சி, கையேடு வழங்கப்படும்.

டி.எஸ்.பி., சண்முகம்,இன்ஸ்பெக்டர் செல்வராஜ், எஸ்.ஐ.,முருகன் உட்பட பூவைசிய இந்திர குல வேளாளர் சங்கத்தினர் மற்றும் இளைஞர்கள்,பொதுமக்கள் பலர் பங்கேற்றனர்.