இந்நிலையில், பாலத்தின் நடுவில் உள்ள, பிங்கர் ஜாயின்ட் எனும் இரும்பு பிளேட் மூன்று மாதத்திற்கு ஒருமுறை சேதமடைவது வழக்கமாக உள்ளது. தற்போது இந்த இரும்பு பிளேட் சேதமடைந்து விலகி கிடப்பதால், அதை வாகனங்கள் கடந்து செல்லும் போது, சத்தம் எழுகிறது.

அப்போது வாகனத்தில் பயணிக்கும் மக்கள் அச்சத்துடன் செல்கின்றனர். கனரக வாகனங்கள் செல்லும் போது நடு பாலத்தில் அதிர்வு ஏற்படுகிறது. சேதமடைந்த இரும்பு பிளேட்டை சரி செய்ய அதிகாரிகள் துரித நடவடிக்கை எடுக்க வேண்டும்.

தற்போது வாகனங்கள் போக்குவரத்து அதிகமாக உள்ளதால் பாலம் பலமிழக்கும் அபாயம் உள்ளது. போக்குவரத்தை இருவழிப் பாதையாக மாற்ற புதிய பாலம் கட்டாயம் என, சமூக ஆர்வலர்கள் தெரிவித்தனர்.