போதிய பஸ்கள் இல்லாததால் பஸ் ஸ்டாண்ட் மற்றும் பஸ் ஸ்டாப்களில் பஸ்சில் இடம் பிடிக்க முதியவர்கள், பெண்கள் மிகவும் சிரமப்படுகின்றனர். பஸ் படிக்கட்டுகளில் தொங்கும் மாணவர்கள் கீழே விழுந்து படுகாயம் அடைவது, உயிர் பலி சம்பவங்கள் நடக்கிறது.

எனவே உயிர் பலிக்கு முன்பாக இவ்விஷயத்தில் அலட்சியம் காட்டாமல் பள்ளி, கல்லுாரி, அலுவலகம் செயல்படும், முடியும் நேரங்கள் மற்றும் விழாக்காலம், முகூர்த்த நாட்களில் கூடுதலாக அரசு பஸ்களை இயக்க போக்குவரத்துதுறை அதிகாரிகள் நடவடிக்கை எடுக்க வேண்டும். போக்குவரத்து போலீசாரும் மாணவர்கள் படிக்கட்டுகளில் தொங்காமல் செல்வதற்கு பஸ்ஸ்டாப் பகுதிகளில் நின்று அறிவுறுத்த வேண்டும். அதற்கு கலெக்டர் சிம்ரன்ஜீத் சிங் காலோன் உத்தரவிட வேண்டும்.