இதனால் விவசாயிகள் பல ஆயிரம் செலவு செய்தும் பயனில்லாமல் தவிக்கின்றனர். இந்நிலையில் கடந்து இரு ஆண்டுகளாக பூச்சி, நோய் தாக்குதல் இல்லாத புதிய ரகம் பயிரிட்டு விவசாயி சாதனை படைத்துள்ளார். திருவாடானை அருகே விசும்பூர் கிராமத்தை சேர்ந்த விவசாயி ராமச்சந்திரன் கூறியதாவது:

டீலக்ஸ் பொன்னி 1262 புதிய ரகம். கடந்த இரண்டு ஆண்டுகளாக 5 ஏக்கரில் பயிரிட்டேன். புகையான், குலைநோய் போன்ற எந்த நோயும் தாக்கவில்லை. ஏக்கருக்கு 40 முதல் 50 மூடை விளைச்சல் கிடைக்கிறது. மூன்று அடிக்கு மேல் உயரமாக வளர்கிறது.

நீர்பிடிப்பு பகுதிகளுக்கு ஏற்ற நெல் ரகமாக உள்ளது. வயலில் தண்ணீர் தேங்கியிருந்தாலும் சாயாது. 130 முதல் 140 நாட்களில் அறுவடை செய்யலாம் என்றார்.