திருவாடானை தாலுகாவில் சில கூட்டுறவு சங்கங்களில் கடந்த ஆண்டு கொடுத்த பயிர்க்கடன் வசூல் ஆகவில்லை என்ற காரணம் காட்டி விவசாயிகளுக்கு கடன் வழங்க மறுப்பதாக குற்றச்சாட்டு எழுந்துள்ளது. விவசாயிகள் ஒருங்கிணைப்பு குழு கவாஸ்கர் கூறியதாவது:

தமிழக அரசு விவசாயிகளுக்கு பயிர்க்கடன் வழங்க பட்ஜெட்டில் பல ஆயிரம் கோடி ஒதுக்குகிறது. தற்போது விவசாயப் பணிகள் நடந்து வரும் நிலையில் திருவாடானை தாலுகாவில் உள்ள சில கூட்டுறவு சங்கங்களில் வசூல் ஆகவில்லை என்று புதிதாக கடன் வழங்க மறுக்கப்படுகிறது.

இதனால் முறையாக திருப்பி செலுத்திய விவசாயிகள் பாதிக்கப்படுகின்றனர். ஆகவே புதிய பயிர்க்கடன் வழங்க வேண்டும். மேலும் மழையால் விவசாயம் பாதிக்கப்பட்டுள்ளதால் பயிர்க்கடன் செலுத்த ஒரு மாதம் கால நீட்டிப்பு வேண்டும் என்றார்.