முதுகுளத்துார் வட்டாரத்திற்கு உட்பட்ட செல்வநாயகபுரம், கீரனுார், காக்கூர், குமாரக்குறிச்சி, ஏனாதி, வெண்ணீர்வாய்க்கால், சித்திரங்குடி, கீழத்துாவல், மரவெட்டி உட்பட 100க்கும் மேற்பட்ட கிராமங்களில் மானாவாரி பயிராக நெல் விவசாயம் செய்கின்றனர்.

நடப்பு ஆண்டில் 20 ஆயிரம் ஏக்கரில் நெல்சாகுபடி செய்துள்ளனர். முதுகுளத்துார் சுற்றியுள்ள பகுதிகளில் கடந்த சில நாட்களாகவே மழை பெய்கிறது. இதனால் நெற்பயிர்கள் ஓரளவு வளரத் துவங்கியுள்ளது.நெற்பயிர்களுக்கு சமமாக களைகள் அதிகமாக வளர்ந்துள்ளது.

தற்போது களைக்கொல்லி மருந்து அடித்தல், உரமிடுதல் உள்ளிட்ட பணிகளில் தீவிரம் காட்டுகின்றனர். இந்நிலையில் களைகள் எடுக்க கூலி வேலைக்கு ஆட்கள் கிடைக்காமல் சிரமப்படுகின்றனர்.