சம்பா ரக நெல் ஒரு மூடை 41 கிலோ வீதம் சேமிக்கப்படுகிறது. கிலோ நெல் ரூ.22 ரூபாய் 40 பைசாவிற்கு கடந்த ஆண்டு அரசு நேரடி கொள்முதல் நிலையங்களில் விலைக்கு வாங்கினர். அதனுடன் கூடுதலாக மூடை ஒன்றுக்கு ரூ.50 கட்டணம் வசூல் செய்தனர். சிக்கலை சேர்ந்த விவசாயி போஸ் கூறியதாவது:

சிக்கல் மற்றும் சுற்றுவட்டார பகுதிகளில் விவசாயிகள் பயன்பெறும் விதத்தில் அரசு நேரடி கொள்முதல் நிலையம் திறப்பதற்கு நடவடிக்கை எடுத்து வருகிறது. கடந்த ஆண்டு ரூ.50 வீதம் மூடைக்கு கட்டணம் வசூலித்தனர்.

எனவே விவசாயிகளின் நலன் கருதி மாவட்ட நிர்வாகம் கட்டணமின்றி விவசாயிகளிடம் மூடைகளை பெற்றுக் கொள்வதற்கு உரிய நடவடிக்கை எடுக்க வேண்டும். ஏற்கனவே கூடுதலாக செலவழித்த விவசாயிகளுக்கு மேலும் நிதிச் சுமையை ஏற்படுத்துவதை தவிர்க்க மாவட்ட நிர்வாகம் அறிவுறுத்த வேண்டும் என்றார்.