அதன் பின் 1914 முதல் 1964 வரை தனுஷ்கோடி வணிக நகராமாகவும், புனித தலமாகவும் விளங்கியது. இதனால் ராமேஸ்வரத்தை விட தனுஷ்கோடி முக்கிய நகரமாக இருந்தது.

53 ஆண்டுகளுக்குப் பின் பிரதமர் மோடி உத்தரவில் 2017ல் ராமேஸ்வரம் முதல் தனுஷ்கோடி அரிச்சல்முனை வரை தேசிய நெடுஞ்சாலை அமைத்தனர். அன்று முதல் ஓராண்டில் 2 கோடி சுற்றுலா பயணிகள், பக்தர்கள் தனுஷ்கோடி வந்து செல்கின்றனர்.

இந்நிலையில் புயலில் உருக்குலைந்து இன்றும் கம்பீரமாக சர்ச், விநாயகர்கோயில் வரலாற்றின் அரிச்சுவடாக உள்ளது. இதனை சுற்றுலாப் பயணிகள் வியப்புடன் கண்டு ரசித்து செல்லும் நிலையில் 110 வயதை கடந்த கோயில், சர்ச் சூறாவளிக் காற்று வீசி கனமழை பெய்தால் இடிந்து விழும் அபாய நிலையில் உள்ளது.

இதனால் தனுஷ்கோடியின் அடையாளமும் அழிந்து போகும் அவல நிலை உள்ளது. எனவே சர்ச், விநாயகர் கோயிலை புதுப்பித்து சுற்றுலாவை மேம்படுத்த தமிழக அரசு நடவடிக்கை எடுக்க வேண்டும்.