பரமக்குடி நகராட்சி 1 வது வார்டில் மஞ்சள்பட்டணம் உள்ளது. இங்கு ஆண்டு தோறும் பொங்கலுக்காக மஞ்சள் விளைவிப்பது வழக்கம். இந்த ஆண்டு மழை பெய்த நிலையில் நல்ல தண்ணீர் கிடைத்ததால் 5 ஏக்கரில் மஞ்சள் செடிகள் சாகுபடி செய்யப்பட்டது.

தொடர்ந்து 6 மாதம் பராமரிப்புக்கு பின் நேற்று காலை முதல் வியாபாரிகள் விலை பேசினர். ஜோடி மஞ்சள் கொத்து ரூ.20 முதல் 40 ரூபாய் வரை விற்பனை செய்யப்பட்டது.

பாரம்பரியத்தை காக்கும் வகையில் வரும் காலங்களில் மஞ்சள் பட்டணம்பகுதியை வேளாண்துறையினர் தத்தெடுத்து விளைச்சலைப் பெருக்க நடவடிக்கை எடுக்க வேண்டும் என விவசாயிகள் கோரிக்கை விடுத்தனர்.