இரண்டாம் நாளாக ஒரு மணிக்கு 52 கி.மீ., வேகத்தில் சூறாவளி காற்று வீசியதால் ராமேஸ்வரம், பாம்பன், தங்கச்சிமடம் பகுதியில் மரங்கள் தலைவிரி கோலமாய் ஆடியது. இதனால் ராமேஸ்வரம் அருகே மெய்யம்புளி குடியிருப்பு கிராமத்தில் உள்ள பழமையான புளியமரம் சாய்ந்து முத்துமணி என்பவரது வீடு மீது விழுந்தது.

மேலும் ராமேஸ்வரம் மாந்தோப்பு தெருவில் உள்ள ராஜகுரு என்பவரது வீடு மீது மரம் விழுந்ததில் இரு வீடும் பலத்த சேதமடைந்தது.

இதனையடுத்து ராமேஸ்வரம் தீயணைப்பு நிலைய பொறுப்பாளர் வரதன் தலைமையில் தீயணைப்பு வீரர்கள் விரைந்து சென்று மரங்களை வெட்டி அகற்றினர்.