ராமேஸ்வரத்தில் இருந்து பிப். 8 ல்420 விசைப்படகில் மீனவர்கள் மீன்பிடிக்க சென்றனர். இதில் ராமேஸ்வரம் அருகே தங்கச்சிமடத்தை சேர்ந்த ஜோஸ்லன் என்பவரது படகில் இருந்த 7 மீனவர்கள் கடலில் வலையை வீசி மீன்பிடித்த போது திடீரென வீசிய சூறாவளியில் படகு சிக்கி பக்கவாட்டு மரப்பலகை உடைந்தும் கடல்நீர் புகுந்தது. இதனால் படகு மெல்ல மூழ்க துவங்கியதும், அதில் இருந்த 7 மீனவர்களும் அவ்வழியாக மீன்பிடித்து கொண்டிருந்த மற்றொரு படகின் மீனவர்களிடம் உதவி கோரினர். இதனையடுத்து 7 மீனவர்களும் மீட்கப்பட்டு நேற்று காலை ராமேஸ்வரம் கரைக்கு வந்திறங்கினர்.