சாயல்குடி பேரூராட்சிக்கு சொந்தமான பஸ்ஸ்டாண்டில் ஒவ்வொரு கடைகளுக்கும் முன்பு டூவீலர்கள் நிறுத்தப்படுகின்றன.

பஸ் நிற்கும் இடத்திலும் பயணிகள் அமரும் கட்டடத்திற்கு அருகிலும் ஏராளமான டூவீலர்கள் வரிசையில் நிற்கின்றன. இதனால் போக்குவரத்து இடையூறு ஏற்படுகிறது. டூவீலர்கள் திருட்டும் அடிக்கடி நிகழ்கிறது.

டூவீலரில் ஏதேனும் சேதம் ஏற்பட்டால் பஸ் டிரைவருக்கும் வாகன ஓட்டிக்கும் அடிக்கடி பிரச்னை ஏற்படுகிறது.

எனவே சாயல்குடி பேரூராட்சி நிர்வாகத்தினர் மற்றும் போலீசார் ஒன்றிணைந்து பஸ் ஸ்டாண்டிற்குள் உள்ள போக்குவரத்து நெரிசலை சரி செய்ய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.