ஆர்.எஸ்.மங்கலம் அருகே வரவணி ஊராட்சிக்கு உட்பட்ட சாத்தமங்கலம் பகுதியில் 50க்கும் மேற்பட்ட குடும்பத்தினர் வசிக்கின்றனர். இப்பகுதி மக்கள் பல ஆண்டுகளாக அப்பகுதியில் உள்ள ஊருணியில் தேங்கும் தண்ணீரை குடிநீராக பயன்படுத்தி வருகின்றனர்.

இந்த குடிநீர் ஊருணி திறந்த நிலையில் உள்ளதால் கால்நடைகள் ஊருணி நீரை அசுத்தம் செய்யும் நிலை உள்ளது. எனவே, சம்பந்தப்பட்ட துறை அதிகாரிகள் திறந்த நிலையில் உள்ள ஊருணி நீரை பாதுகாக்கும் விதமாக சுற்றிலும் முள்வேலி அமைக்க வேண்டும் என அப்பகுதி மக்கள் வலியுறுத்தினர்.