தொடர்ந்து மழை பெய்தால் மகசூல் பாதிக்கும் என விவசாயிகள் கவலை அடைந்துள்ளனர். கருமொழி, கூகுடி விவசாயிகள் கூறியதாவது:

குறுகிய கால நெற்பயிர்களான ஆர்.என்.ஆர்., 16:38 போன்ற ரகங்களை விதைத்தோம். தற்போது பெய்த மழையால் வளர்ந்துள்ள நெற்பயிர்கள் நிலத்தில் சாய்ந்து விட்டது. இந்த ஆண்டு முதல் கட்டமாக விதைப்பு பணியில் ஈடுபட்ட போது மழை பெய்து நிலங்களில் தண்ணீர் தேங்கியதால் முளைப்புத் தன்மையை இழந்தது.

இதனால் மீண்டும் விதைத்தோம். தற்போது பயிர்கள் வளர்ந்து வரும் நிலையில் மழை பெய்வதால் குறுகிய கால நெற்பயிர்கள் சாய்ந்து விட்டன. கடன் வாங்கி விவசாயம் செய்தவர்களின் நிலை கேள்விக்குறியாகியுள்ளது என்றனர்.