பொந்தம்புளி ஊராட்சியில் வாழவந்தாள்புரம் ஊருணி அமைந்துள்ளது. 3 ஏக்கரில் வாழவந்தாள்புரம் ஊருணியில் ஒவ்வொரு பருவமழை காலங்களிலும் உரிய முறையில் தண்ணீர் சேகரிக்க வழியின்றி உள்ளது. வரத்து கால்வாய் அருகே உள்ள மடை சேதமடைந்து இருப்பதால் பொதுமக்கள் பயன்படுத்த வழியின்றி சிரமத்திற்குள்ளாகின்றனர்.

பொந்தம்புளி ஊராட்சி துணைத் தலைவர் ஆறுமுகம் கூறியதாவது: வாழவந்தாள்புரம் ஊருணியில் மடை உடைந்து மூன்று ஆண்டுகளாகிறது. அதனை பழுது நீக்க கோரி கலெக்டர் அலுவலகத்தில் மனு கொடுத்தும், எந்த நடவடிக்கையும் இல்லை. எனவே மாவட்ட நிர்வாகம் குறைகளை நிவர்த்தி செய்ய வேண்டும் என்றார்.