ராமநாதபுரம் அரசு மருத்துவக்கல்லுாரி மருத்துவமனையில் சி.டி.ஸ்கேன், எம்.ஆர்.ஐ., ஸ்கேன் எடுக்கப்பட்டு வருகிறது. அவசரத்தில் வரும் நோயாளிகள் கையில் ரொக்கமாக பணம் இருப்பதில்லை. அவசர நிலையில் பணம் எடுப்பதற்காக ஏ.டி.எம்., கார்டுகளுடன் அலையும் பரிதாப நிலை இருந்தது.

இந்நிலையில் அரசு மருத்துவக்கல்லுாரி மருத்துவமனைகளில் தாலுகா மருத்துவமனைகளில் ஸ்கேன் எடுப்பதற்கான கட்டணம் ஆன் லைனில் செலுத்தும் விதாமக கியூ. ஆர்., கோடு வழங்கப்பட்டுள்ளது. இதனை ஸ்கேன் செய்து பணம் ஆன் லைனில் செலுத்தினால் போதுமானது.

ஏ.டி.எம்., கார்டு வைத்திருப்பவர்கள் பணம் செலுத்துவதற்காக பணம் செலுத்தும் இயந்திரங்களும் ஸ்கேன் மையங்களுக்கு வழங்கப்பட்டுள்ளது. இதன்மூலம் அரசு மருத்துவமனையில் சி.டி.ஸ்கேன், எம்.ஆர்.ஐ., ஸ்கேன் எடுப்பதற்கு ஆன் லைனில் பணம் செலுத்தி எடுத்துக்கொள்ளும் வசதி செய்யப்பட்டுள்ளது.