ஐந்தாண்டுகளுக்கு ஒருமுறை பாலத்தில் பராமரிப்பு பணி மேற்கொண்ட நிலையில், சேதமடைந்த துாண்கள், தடுப்புச் சுவர்கள், மின் விளக்குகள் 2021ல் புதுப்பிக்கப்பட்டன.

இந்நிலையில், 2 கி.மீ., நீளமுள்ள பாலத்தின் சாலை பல இடங்களில் சேதமடைந்து குண்டும், குழியுமாக உள்ளது. சிமென்ட் பூச்சு பெயர்ந்து கான்கிரீட் கம்பிகள் வெளியில் நீட்டியபடி வாகனங்களின் டயர்களை பதம் பார்க்கின்றன.

சேதமடைந்த சாலையில் வாகனங்கள் செல்லும் போது, சத்தம் எழுவதால் பயணியர் அச்சத்துடன் கடந்து செல்கின்றனர்.

சேதமடைந்த சாலையை புதுப்பிக்க நடவடிக்கை எடுக்க வேண்டும் என, பல தரப்பினரும் வலியுறுத்தியுள்ளனர்.