தொண்டி அருகே பாசிபட்டினத்தில் சர்தார் நெய்னா முகமது ஒலியுல்லா தர்கா உள்ளது. இங்கு உரூஸ் எனும் மத நல்லிணக்க விழா கொடியேற்றம் ஜூன் 30 ல் நடந்தது. அதனை தொடர்ந்து முதல் நாள் இரவு தலை பிறையும், ரத ஊர்வலமும், ஜூலை 9 ல் ஹத்தம், தமாம், சிறப்பு பயான், விருந்து உபசரிப்பும் நடந்தது.

விழாவின் முக்கிய நிகழ்வாக நேற்று முன்தினம் இரவு மத நல்லிணக்கத்திற்கு எடுத்துக் காட்டாக மின் விளக்குகளால் அலங்கரிக்கப்பட்ட சந்தனக்கூடு மாணவநகரி, ஸ்தானிகன்வயல் கிராமத்திலிருந்து புறப்பட்டது. எஸ்.பி.பட்டினம், மருங்கூர் வழியாக சென்று நேற்று அதிகாலை 4:00 மணிக்கு பாசிபட்டினம் தர்காவை மூன்று முறை வலம் வந்து தர்கா முன்பு நிறுத்தப்பட்டது.

மத ஒற்றுமைக்குஎடுத்துக்காட்டாக அனைத்து மதத்தினரும் கலந்து கொண்டனர். ஜூலை 26ல் கொடியிறக்கம் நடக்கிறது. விழா ஏற்பாடுகளை பாசிபட்டினம் விழாக் குழுவினர் செய்தனர்.