களிமண்குண்டு அருகே சட்டையன் வலசை ஊருணிக்கு செல்லக்கூடிய 200 மீ., நீளமுள்ள மழை நீர் செல்லக்கூடிய வாறுகால் பாதியுடன் பணிகள் முடிவு பெறாமல் உள்ளது. அவற்றில் கட்டுமான பணிகளுக்காக பொருத்தப்பட்ட இரும்பு கம்பிகள் அப்படியே துருப்பிடித்து வீணாகி வருகிறது.

திருப்புல்லாணி யூனியன் பொறியாளர் பணி நடந்த இடத்தை ஆய்வு செய்து பணிகளை விரைந்து முடிக்க நடவடிக்கை எடுக்க வேண்டும். இதனால் அரசு நிதி வீணடிக்கப்படுகிறது.

எனவே உரிய முறையில் குறிப்பிட்ட காலத்திற்குள் பணிகளை முடிப்பதற்கான அறிவுறுத்தலை வழங்க வேண்டும் என பொதுமக்கள் கோரிக்கை விடுத்தனர்.