சிக்கல் ஊராட்சிக்கு உட்பட்ட தொட்டியபட்டி, பொட்டல்பச்சேரி, மேலச்சிக்கல், கிழக்கு காலனி, கழநீர் மங்கலம் பகுதிகளில் காவிரி குடிநீர் முறையாக கிடைப்பதில்லை. இதனால் குடம் தண்ணீர் ரூ.12க்கு விலைக்கு வாங்கி மக்கள் சிரமப்படுகின்றனர்.

இதுகுறித்து பா.ஜ., கடலாடி கிழக்கு ஒன்றிய தலைவர் ஸ்டாலின் கூறியதாவது: மற்ற ஊராட்சிகளில் ஜல்ஜீவன் திட்டம் நடைமுறைக்கு வருவதை போன்று, சிக்கல் ஊராட்சிக்கும் ஜல்ஜீவன் திட்டம் முறையாக அமல்படுத்த வேண்டும். கடலாடி யூனியன் அதிகாரிகள் பற்றாக்குறை உள்ள கிராமங்களை கண்டறிந்து தினசரி குடிநீர் வழங்க வேண்டும் என்றார்.