முதுகுளத்துார் ரோட்டோரத்தில் ராட்சத குழாய் பதிக்கப்பட்டு பேரூராட்சி மற்றும் அதனை சுற்றியுள்ள கிராமங்களுக்கு காவிரி குடிநீர் விநியோகம் செய்யப்படுகிறது. பரமக்குடி ரோடு பிள்ளையார் கோயில் எதிரில் ராட்சத குழாய் சேதமடைந்து ஒரு மாதமாக காவிரி குடிநீர் வீணாகி கழிவுநீர் கால்வாய் செல்கிறது.

இதனால் கிராமங்களுக்கு குடிநீர் தட்டுப்பாடு ஏற்படும் அபாயம் உள்ளது. சில கிராமங்களில் காவிரி குடிநீருக்காக மக்கள் சிரமப்படுகின்றனர். எனவே முதுகுளத்துாரில் ராட்சத குழாய் சேதத்தை சரி செய்ய குடிநீர் வடிகால் வாரிய அதிகாரிகள் நடவடிக்கை எடுக்க வேண்டும் என மக்கள் வலியுறுத்தினர்.