பொது வினியோக திட்டத்தின் சேவைகளை அனைத்து தரப்பு மக்களும் பெறும் வகையில் மாதத்தின் இரண்டாவது சனிக்கிழமை மக்கள் குறை தீர்க்கும் முகாம் நடைபெறும். திருவாடானை தாலுகா வட்ட வழங்கல் அலுவலர்கள் கூறியதாவது: திருவாடானை தாலுகா பாண்டுகுடி ரேஷன் கடையில் இன்று (நவ.8) காலை 10:00 முதல் மதியம் 1:00 மணி வரை முகாம் நடைபெறும்.

பொது வினியோகத்தில் ஏற்படும் குறைகளை குறிப்பிட்டு மனுக்களாக கொடுக்கலாம். பெயர் சேர்ப்பது, நீக்குவது, முகவரி மாற்றம் செய்வது, அலைபேசி எண் மாற்றுதல், குடும்பதலைவர் போட்டோ மாற்றுதல் உள்ளிட்ட அனைத்து குறைகளையும் மனுக்களாக கொடுக்கலாம் என்றனர்.