ராமாயண வரலாற்றில் தொடர்புடைய ராமேஸ்வரம் கோயிலில் ஒவ்வொரு ஆண்டும் இத்திருத்தல வரலாற்றை பக்தர்களுக்கு நினைவுபடுத்தும் விதமாக ராமலிங்க பிரதிஷ்டை விழா கொண்டாடப்படுகிறது. அதன்படி வரும் ஜூன் 3ல் விழா துவக்கப்பட்டு அன்று மாலை 5:00 மணிக்கு மேல் ஸ்ரீ ராமர், ராவணனை வதம் செய்யும் நிகழ்ச்சி நடக்கும்.

ஜூன் 4ல் கோயில் இருந்து ஸ்ரீ ராமர், சீதை, லட்சுமணன், அனுமான் ஆகியோருடன் பல்லக்கில் புறப்பாடாகி தனுஷ்கோடி அருகே கோதண்ட ராமர் கோயிலில் எழுந்தருளியதும் அன்று மதியம் 12:00 மணிக்கு மேல் விபீஷணருக்கு ராமர் பட்டாபிஷேகம் சூட்டுவார்.

இதனால் அன்று அதிகாலை 2:30 மணிக்கு கோயில் நடை திறக்கப்பட்டு 3:00 முதல் 3:30 மணி வரை ஸ்படிகலிங்க பூஜை நடக்கும். தொடர்ந்து கால பூஜை, சாயரட்சை பூஜை முடிந்ததும் ஸ்ரீ ராமர் புறப்பாடானதும் காலை 7:00 மணி முதல் மாலை 5:00 மணி வரை கோயில் நடை அடைக்கப்படும்.

அன்று மாலை 5:00 மணிக்கு பின் கோதண்டராமர் கோயில் இருந்து ராமர் கோயிலுக்கு திரும்பியதும் நடை திறக்கப்பட்டு பக்தர்கள் தரிசனத்திற்கு அனுமதிக்கப்படுவர்.

ஜூன் 5ல் கோயிலுக்குள் ராமலிங்க பிரதிஷ்டை விழா நடக்கும் என கோயில் இணை ஆணையர் செல்லத்துரை தெரிவித்தார்.