இங்கிருந்து முதுகுளத்தூர், சிக்கல் பகுதிகளுக்கு 40க்கும் மேற்பட்ட மாணவர்கள் உட்பட 100 பேர் வந்து செல்கின்றனர். மாலை 3.50 மணிக்கு முதுகுளத்தூருக்கும், சிக்கல் பகுதிக்கும் பஸ்கள் இயக்கப்படுகின்றன. இதையடுத்து 5.45 மணிக்கு தான் பஸ். மாலை 4 மணிக்கு பள்ளி விட்டு வரும் எஸ்.குளம் பகுதி மாணவர்கள் ஒன்றரை மணிநேரம் இரு ஊர்களின் பஸ் ஸ்டாண்டில் காத்திருக்க வேண்டி உள்ளது. வீடு திரும்ப இரவு 7 மணியாகிவிடுகிறது. களைப்படைந்த நிலையில் வீட்டு பாடங்களை எழுதி, அன்றைய பாடங்களை படித்து முடித்து தூங்க இரவு 11 மணி ஆகிவிடுகிறது. எனவே, மாலையில் 4.30 மணிக்கு முதுகுளத்தூருக்கும், சிக்கல் பகுதிக்கும் பஸ்களை இயக்க போக்குவரத்துக் கழகம் நடவடிக்கை எடுக்க வேண்டும்.