இந்நிலையில் ராஜகோபால் குடும்பத்தை சேர்ந்தவர்கள் கிராமத்தில் குடிநீர் தொட்டியில், குடிநீர் பிடிக்க சென்றபோது மோதல் ஏற்பட்டு கலவரமாக மாறியது. இருதரப்பினரும் ஆயுதங்களுடன் மோதிக்கொண்டதில், வார்டு உறுப்பினர் ராஜகோபால் மற்றும் பெண்கள் உட்பட 18 பேர் காயமடைந்து, கமுதி அரசு மருத்துவமனையில் அனுமதிக்கப்பட்டனர். ராஜகோபால் தரப்பில் பஞ்சவர்ணம் புகாரின்படி, பெத்துக்காளை, தவமணி, முத்துராஜ் உட்பட 18பேர் மீதும், தவமணி புகாரின்படி ராஜகோபால், காட்டுராஜா, அமுதா உட்பட 15பேர் மீதும் மண்டலமாணிக்கம் போலீசார் வழக்கு பதிவுசெய்தனர். மீட்டான்குளத்தில் பதட்டமான சூழல் ஏற்பட்டதால் பாதுகாப்பிற்கு ராமநாதபுரம் மற்றும் விருதுநகர் மாவட்டம் போலீசார் குவிக்கப்பட்டுள்ளனர்.