அக்., 23ல் ராமேஸ்வரத்தில் இருந்து மீன்பிடிக்க சென்ற இரு படகில்இருந்த 16 மீனவர்களை இலங்கை கடற்படையினர் கைது செய்து யாழ்ப்பாணம் சிறையில் அடைத்தனர்.

இவர்களை நேற்று ஊர்காவல்துறை நீதிமன்றத்தில் போலீசார் ஆஜர்படுத்தினர். இதில் 12 மீனவர்கள் விடுவிக்கப்பட்டனர்.

இவர்கள் 2 ஆண்டுகளுக்குள் எல்லை தாண்டி வந்து மீண்டும் கைதானால் 5 ஆண்டு சிறை தண்டனை விதிக்கப்படும் எனவும், மேலும் 2-வது தடவையாக கைதான இருவருக்கு 6 மாதம் சிறை தண்டனையும், ஒரு படகின் உரிமையாளரும் டிரைவருமான ராமபாண்டிக்கு இந்திய ரூபாய் மதிப்பில் ரூ.23.20லட்சம் அபராதம் விதிக்கப்பட்டது.

அபராதம் செலுத்த தவறினால் ஓராண்டு சிறை தண்டனையும், மற்றொரு படகின் டிரைவர் மகேந்திரன் என்பவருக்கு 6 மாதம் சிறை தண்டனையும் விதித்து நீதிபதி நளினி சுபாஸ்கரன் உத்தரவிட்டார். இலங்கை நீதிமன்றத்தின் இந்த உத்தரவால் தமிழக மீனவர்கள் அதிர்ச்சி அடைந்தனர்.