கடந்தாண்டு டிச.,23ல் ராமேஸ்வரத்தில் இருந்து மீன்பிடிக்கச் சென்ற அந்தோணி ஆரோன், பூண்டிராஜ் ஆகியோரது விசைப்படகுகளை இலங்கை கடற்படை வீரர்கள் பிடித்து அதில் இருந்த 17 மீனவர்களை கைது செய்து வவுனியா சிறையில் அடைத்தனர். அவர்களது நீதிமன்ற காவல் தேதி முடிந்ததையடுத்து நேற்று மன்னார் நீதிமன்றத்தில் போலீசார் ஆஜர்படுத்தினர்.

மீனவர்களை பிப்.,17 வரை சிறையில் அடைக்க நீதிமன்றம் உத்தரவிட்டது. 38 நாட்களாக சிறையில் உள்ள மீனவர்கள் விடுவிக்கப்படலாம் என அவர்களது குடும்பத்தினர் எதிர்பார்த்த நிலையில் மீண்டும் சிறையில் அடைக்கப்பட்ட தகவல் சோகத்தை ஏற்படுத்தியுள்ளது. அவர்களை விடுவிக்க மத்திய, மாநில அரசுகள் நடவடிக்கை எடுக்க வேண்டும் என அவர்கள் வலியுறுத்தியுள்ளனர்.