ராமநாதபுரம் கலெக்டர் அலுவலகம் முன்பு நேற்று துவங்கிய போராட்டத்தில் மாவட்டம் முழுவதும் இருந்து 200 பேர் பங்கேற்றனர். மாநில துணைத் தலைவர் தினகரன் தலைமை வகித்தார். மாநில செயலாளர் எஸ்.மாரிமுத்து கூறியதாவது:

பொது விநியோக திட்டத்திற்கு தனித்துறையை உருவாக்க வேண்டும். உணவு பொருட்கள் அனைத்தையும் பொட்டலமாக வழங்க நடவடிக்கை எடுக்க வேண்டும். அனைத்து ரேஷன் கடைகளுக்கும் எடையாளரை நியமிக்க வேண்டும். கல்வித் தகுதிக்கு ஏற்ப ஊதியம் வழங்க வேண்டும் என்றார்.