ராமநாதபுரம் சக்கரக்கோட்டை ஊராட்சியில் வளர்ச்சியடைந்த பகுதியாக மகாசக்தி நகர் உள்ளது. இப்பகுதியில் 500க்கும் மேற்பட்ட வீடுகள் உள்ளன.

இங்குள்ள தெருக்களில் மழை காலங்களில் மழை நீர் தேங்குகிறது.

வடிகால் வசதிகள் செய்து தரப்படாததால் தற்போது குடியிருப்புகளை மழை நீர் சூழ்ந்துள்ளது.

இப்பகுதியில் குடியிருப்பவர்கள் தேங்கியுள்ள மழை நீரில் தான் பயணிக்கும் நிலை உள்ளது. நீரில் கொசுக்கள் உற்பத்தியாகி நோய் பரவும் நிலை உள்ளது.

வீடுகளில் இரவு நேரங்களில் விஷ ஜந்துக்கள் புகுவதால் இப்பகுதி மக்கள் பாதிக்கப்படுகின்றனர்.

மாவட்ட நிர்வாகம் மகாசக்தி நகர் பகுதியில் மழை நீர் தேங்காமல் தடுக்க நடவடிக்கை எடுக்க வேண்டும்.