நேற்று இலங்கை கடற்படையினரால் கைது செய்யப்பட்ட ராமேஸ்வரம் மீனவர்கள் 12 பேரை விடுவிக்கக் கோரி தங்கச்சிமடத்தில் தேசிய நெடுஞ்சாலையில் மீனவர்களின் உறவினர்கள் மற்றும் மீனவர்கள் நேற்று மாலை 4:00 மணிக்கு சாலை மறியல் செய்தனர்.

இதனால் ராமேஸ்வரம், மதுரை போக்குவரத்து பாதித்தது. பின் ராமநாதபுரம் ஆர்.டி.ஓ., கபீபுரகுமான், ராமேஸ்வரம் ஏ.எஸ்.பி., மீரா மீனவர்களை சமரசம் செய்த பின் மறியல் கைவிடப்பட்டது. 90 நிமிடங்கள் சாலை மறியல் நடந்ததால் பொதுமக்கள் பெரிதும் பாதிக்கப்பட்டனர்.