ராமேஸ்வரம் ராமநாதசுவாமி கோயிலில் 30 நாள்களுக்குப் பின் நேற்று சுவாமி, அம்மன் மற்றும் பஞ்சமூர்த்திகள் சன்னதிகள் முன்புள்ள உண்டியல்கள் கோயில் இணை ஆணையர் செல்லத்துரை முன்னிலையில் திறக்கப்பட்டது. உண்டியலில் உள்ள காணிக்கைகளை கோயில் ஊழியர்கள் சேகரித்து திருக்கல்யாண மண்டபத்தில் கோயில் உதவி ஆணையர் ரவீந்திரன், ஆய்வாளர் சிவக்குமார், பேஸ்கார் முனியசாமி, சிவனடியார்கள் எண்ணினார்கள்.

இதில் ரொக்கம் ரூ. 1 கோடியே 67 லட்சத்தி 26 ஆயிரத்து 555 ரூபாயும், தங்கம் 40 கிராம், வெள்ளி 5 கிலோ 600 கிராம் காணிக்கையாக கிடைத்தது.