இரு நாட்களாக மன்னார் வளைகுடா கடலில் மணிக்கு 40 முதல் 60 கி.மீ., வேகத்தில் சூறாவளி வீசியது. இதனால் ராமேஸ்வரம், தனுஷ்கோடி, பாம்பன் கடலில் ராட்சத அலைகள் எழுந்தன. இச்சூழலில் மீன்பிடிக்க செல்வது சிரமம். நடுக்கடலில் விபரீதம் ஏற்படும் எனக் கருதிய பாம்பன் மீனவர்கள் பெரும்பாலானோர் அச்சத்தில் மீன்பிடிக்க செல்லவில்லை. பாம்பனில் உள்ள 96 விசைப்படகுகளில் 90 படகுகள் வரை கடலுக்கு செல்லும். நேற்று 32 படகுகள் மட்டுமே சென்றன.