பெரியபட்டினம் அருகே தலைத்தோப்பு கிராமத்தைச் சேர்ந்த ஏழை பனைத் தொழிலாளர் ஆனந்தன், பிரேமலதா தம்பதியின் மகள் லாவண்யாவிற்கு திருமண ஏற்பாடுகள் செய்யப்பட்ட நிலையில் கடந்த ஆண்டு இவரது தந்தை ஆனந்தன் இறந்து விட்டார்.

இந்நிலையில் அதே ஊரைச் சேர்ந்த மணமகனுக்கும் லாவண்யாவிற்கும் நேற்று திருமணம் நடந்தது. நாடார் மகாஜன சங்க மாவட்ட செயலாளர் குகன் மணப்பெண்ணிற்கு தேவையான சீர்வரிசை பொருட்கள் உள்ளிட்டவைகளை வழங்கினார்.

நாடார் மகாஜன சங்க மாவட்ட மகளிர் அணி தலைவி பாப்பா, மாநிலக் குழு உறுப்பினர் முத்துப் பேட்டை உதயமூர்த்தி, ராமநாதபுரம் மாரியப்பன், முருகேசன், வெள்ளரி ஓடை ஊராட்சி தலைவர் சந்திரசேகர் உட்பட ஏராளமானோர் கலந்து கொண்டனர்.