ராமநாதபுரம் மாவட்டம், கமுதி ஸ்டேஷன் எஸ்.ஐ., முருகன், 54. கமுதி அருகே உப்பங்குளம் கிராமத்தில், ஒரு பெண் தனக்கு கொலை மிரட்டல் வருவதாக எஸ்.ஐ., முருகனுக்கு மொபைல் போனில் கூறியதாக தெரிகிறது.

இதை அடுத்து சாதாரண உடையில் டூ - வீலரில் சென்ற முருகனை, உப்பங்குளம் அருகே அடையாளம் தெரியாத இருவர் வழிமறித்து அரிவாளால் வெட்டி, தப்பினர். தலையில் காயமடைந்த முருகன் மதுரை தனியார் மருத்துவமனையில் அனுமதிக்கப்பட்டார்.

எஸ்.ஐ., முருகன் புகார் அளிக்காததால் நேற்றுமாலை வரை, வழக்குப்பதிவு செய்யப்படவில்லை.