*முதுகுளத்துார் அருகே பொசுக்குடி கிராமத்தில் வரதராஜ பெருமாள் கோயிலில் பெரும்பூஜை விழா நடந்தது. காலை கணபதி ஹோமம் துவங்கி பெருமாளுக்கு பால், சந்தனம், பன்னீர், குங்குமம், திரவிய பொடி உட்பட 21 வகை அபிஷேகம் நடந்தது.

கோயில் முன்பு அமைக்கப்பட்டுள்ள கொடிமரத்திற்கு சமைக்கப்பட்ட உணவு பொருட்கள் படைக்கப்பட்டு அன்னபூஜை கொடுக்கப்பட்டது. மூலவரான பெருமாளுக்கு சிறப்பு பூஜைகள் நடந்தது. இதனை முன்னிட்டு கிராம மக்கள் சார்பில் அன்னதானம் வழங்கப்பட்டது. விழாவில் முதுகுளத்துார் சுற்றியுள்ள பகுதிகளில் இருந்து ஏராளமானோர்​ கலந்து கொண்டனர்.

---