கடலாடி ஒன்றியம் வாலிநோக்கத்தில் ஏராளமான வீடுகள் உள்ளன. இங்கு மேல்நிலைப்பள்ளி இல்லாததால் 15 கி.மீ., ல் உள்ள ஏர்வாடி அரசு மேல்நிலைப் பள்ளியில் பிளஸ் 1, பிளஸ் 2 படித்து வருகிறோம். வாலிநோக்கத்தில் இருந்து 11 மாணவர்கள், 19 மாணவிகள் என 30 பேர் ஏர்வாடி பள்ளியில் படிக்கிறோம்.

பிளஸ் 2 பொதுத் தேர்வு என்பதால் பள்ளியில் காலை 8:30 மணிக்கு சிறப்பு வகுப்புகள் நடக்கிறது.

அந்த நேரத்தில் வாலிநோக்கத்தில் இருந்து ஏர்வாடிக்கு அரசு பஸ் வசதி இல்லை. இதனால் சிறப்பு வகுப்புக்கு செல்ல முடியாமல் படிப்பு பாதிக்கும் நிலை உள்ளது.

எனவே காலை 8:00 மணிக்குள் வாலி நோக்கத்திலிருந்து கிழக்கு கடற்கரை சாலை வழியாக அல்லது அடஞ்சேரி வழியாக ஏர்வாடிக்கு அரசு டவுன் பஸ் இயக்க வேண்டும் என வலியுறுத்தினர்.