இதுபோக காய்கறி சாகுபடி, நிலப்போர்வைஊக்கப்படுத்துதல், பணிமனை இயந்திர மயமாக்கல், விவசாயிகளுக்கு பயிற்சி, தேனீ பெட்டி வைத்தல், நடமாடும்காய்கறி வண்டிகள் வழங்குதல் ஆகிய திட்டத்திற்கு நிதிஒதுக்கப்படுகிறது.

அதே சமயம் சீமை இலந்தை,கொடுக்காபுளிக்கு மானியம் வழங்குவது இல்லை.இந்நிலையில் நடப்பு 2024-25ம் ஆண்டில் முதல் முறையாகசீமைக்கருவேல மரங்களுக்கு பதில் சீமை இலந்தை, கொடுக்காபுளி மரங்கள் சாகுபடி செய்யும் விவசாயிகளைஊக்கப்படுத்த அரசு மானியம் வழங்குகிறது.

ராமநாதபுரம் மாவட்ட தோட்டக்கலை துணைஇயக்குனர் ஆறுமுகம் கூறியதாவது:

ஒரு விவசாயிக்கு 2.5 ஏக்கரில் மா அடர்முறைநடவிற்கு ரூ.9840, கொய்யா அடர்முறை நடவிற்கு ரூ.17,600 வழங்கப்படுகிறது. இந்த வரிசையில் இந்த ஆண்டு முதல்சீமை இலந்தை, கொடுக்கபுளி சாகுபடிக்கு முதற்கட்டமாக 2.5 ஏக்கருக்கு ரூ.14ஆயிரத்து 400 மானியம் வழங்கப்படுகிறது.

சிறு,குறு விவசாயிகள் 2 பேர்இணைந்து கூட சீமைக்கருவேல மரங்களுக்கு பதில் கொடுக்காபுளி, சீமைஇலந்தை நடவு செய்துமானியம் பெறலாம். மேலும்விபரங்களுக்கு அருகில் உள்ள தோட்டக்கலைத்துறை அலுவலர்,உதவி இயக்குனர் அலுவலகத்தை விவசாயிகள் தொடர்புகொள்ளலாம் என்றார்.