ராமநாதபுரம் மாவட்டத்தில் 3 லட்சத்து34 ஆயிரம் லட்சம் ஏக்கரில் சம்பா நெற்பயிர் சாகுபடி மேற்கொள்ளப்படுகிறது. சம்பா நெற்பயிரை காப்பீடு செய்வதற்கான கடைசி தேதி நவ.,30 என அறிவிக்கப்பட்டிருந்தது.

மழை காரணமாக விவசாயிகள் காப்பீடு செய்ய முடியவில்லை. இந்நிலையில் ஒருநாள் நீட்டித்து பயிர் காப்பீடு செய்ய நாளை வரை காலஅவகாசம் வழங்கப்பட்டுள்ளது.

சம்பா நெற்பயிரை காப்பீடு செய்யாத விவசாயிகள் உரிய ஆவணங்களுடன் பொது சேவை மையங்கள், தொடக்க வேளாண் கடன் கூட்டுறவு சங்கங்கள், தேசியமயமாக்கப்பட்ட வங்கிகள் மூலம் பதிவு செய்யலாம். இந்த வாய்ப்பை விவசாயிகள் பயன்படுத்திக் கொள்ளலாம் என வேளாண் இணை இயக்குநர் பாஸ்கரமணியன் தெரிவித்துள்ளார்.