இத்தகைய சிறப்பு மிக்க தொடுவர்ம சிகிச்சை ராமநாதபுரம் அரசு மருத்துவக்கல்லுாரி மருத்துவமனையில் உள்ள சித்தா பிரிவில் அளிக்கப்படுகிறது. இதுகுறித்து சித்தா பிரிவு உதவி மருத்துவ அலுவலர் எம்.எஸ். சுஜாதா கூறியதாவது:

மருந்தில்லா மருத்துவ முறையான பாரம்பரிய தொடுவர்ம சிகிச்சை முறை குறித்து சென்னையில் பயிற்சி பெற்றுள்ளேன். மாவட்ட சித்த மருத்துவ அலுவலர் கீதாஞ்சலி உத்தரவுப்படி தற்போது தொடு வர்ம சிகிச்சை அரசு மருத்துவக்கல்லுாரி மருத்துவமனையில் அளிக்கப்படுகிறது. தோள்பட்டை, கழுத்து வலி, சைனஸ் தொந்தரவு, அல்சர் போன்றவைகளுக்கு சிகிச்சை பெறலாம்.

இதற்கு காலையில் சாப்பிடாமல் வெறும் வயிற்றுடன் வர வேண்டும். காலை 8:00 முதல் 9:00 மணி வரை சிகிச்சை அளிக்கிறோம். இருபாலருக்கும் சிகிச்சை அளிக்கும் வகையில் பெண், ஆண் உதவியாளர்கள் தனித்தனியாக உள்ளனர். மக்களின் வரவேற்பை பொறுத்து பிற இடங்களிலும் பயிற்சி பெற்ற சித்த மருத்துவர்கள் மூலம் தொடுவர்ம சிகிச்சை விரிவுப்படுத்தப்பட உள்ளது என்றார்.