தங்கச்சிமடம் ஊராட்சி தென்குடா கிராமத்தில் நுாறுக்கு மேற்பட்ட குடும்பத்தினர் உள்ளனர். மேலும் இங்குள்ள தனியார் பாலிடெக்னிக் கல்லுாரியில் 500க்கும் மேலான மாணவர்கள் படிக்கின்றனர். இவர்கள் ராமேஸ்வரம்- மதுரை தேசிய நெடுஞ்சாலையில் இருந்து தெற்கில் செல்லும் சாலையை தான் பிரதான பாதையாக பயன்படுத்துகின்றனர்.

இந்த தென்கடா சாலை ரயில்வே தண்டவாளத்தை கடந்து செல்வதால் விபத்தை தவிர்க்க 5 ஆண்டுகளுக்கு முன்பு ரயில்வே நிர்வாகம் சுரங்க வழிப்பாதை அமைத்தது. ஆனால் மழைக்காலத்தில் இந்த சுரங்க பாதையில் 3 அடி உயரத்தில் மழைநீர் தேங்குவதால் மாணவர்கள், பொதுமக்களும் 2 கி.மீ., சுற்றி செல்ல வேண்டிய நிலை ஏற்படுகிறது.

இந்நிலையில் 15 நாட்களுக்கு முன்பு ரயில்வே நிர்வாகம் சுரங்க பாதையை மூடி தடுப்பு வேலிகளால் மூடி தேங்கிய மழை நீரை அகற்றும் பணியில் ஈடுபட்டனர். ஆனால் மழைநீரை முழுமையாக அகற்றாததால் தற்போது 1 அடி உயரத்தில் தண்ணீர் தேங்கி துர்நாற்றம் வீசுகிறது. மேலும் 15 நாட்களாக சுரங்க பாதை மூடி கிடப்பதால் மாணவர்களும், பொதுமக்களும் அவதிப்படுகின்றனர்.