மண்டபத்தில் செயல்பட்டு வரும் மத்திய மீன் வேதியியல் ஆராய்ச்சி நிறுவனத்தின் தலைவர் முதன்மை விஞ்ஞானி ரவீந்திரன் பங்கேற்று பேசுகையில், இன்றைய சூழலில் கழிவு மேலாண்மை பற்றிய போதிய விழிப்புணர்வு தேவை.

பாசிக்கழிவு மற்றும் அதனை பாதுகாப்பான முறையில் அகற்றுதல் அல்லது மறுசுழற்சி செய்தல் நுண்ணிய பிளாஸ்டிக் கழிவுகளால் ஏற்படும் தீமைகள் பற்றியும் வெப்பமயமாதலால் பவளப்பாறைகளில் ஏற்படும் பாதிப்புகள், கடல் மாசுபாடு குறித்தும் கூறினார். காணொளி காட்சிகளின் மூலமாக விளக்கம் அளிக்கப்பட்டது.

ஆறு நாட்கள் நடந்த முகாமிற்கு நீர் கழிவு மேலாண்மை, கழிவு மறுசுழற்சி கடல் சார்ந்த கழிவுகளை பிரித்தெடுக்கும் முறைகள் பற்றி பல்வேறு தலைப்புகளில் ஆசிரியர்களுக்கு பயிற்சி அளிக்கப்பட்டது. சிவகங்கை, ராமநாதபுரம், துாத்துக்குடி மாவட்டங்களில் உள்ள இன்ஜினியரிங் மற்றும் பாலிடெக்னிக் கல்லுாரியில் இருந்து ஆசிரியர்கள் பங்கேற்றனர். இணை ஒருங்கிணைப்பாளர் செந்தில் ராஜன் நன்றி கூறினார்.