டிச.,6ல் ராமேஸ்வரத்தில் இருந்து படகில் மீன்பிடிக்க சென்ற மீனவர் அந்தோணி சிங் எதிர்பாராத விதமாக கடலில் தவறி விழுந்து மாயமானார். கடந்த இரு நாட்களாக இங்கிருந்து ஒரு படகில் மீட்புக்குழு மீனவர்கள் தேடிச் சென்றும் அவர் மீட்கப்படவில்லை. நேற்றுடன் 3 நாட்கள் ஆகியும் அவரது கதி என்னவென்று தெரியாமல் குடும்பத்தினர் தவிப்பு, சோகத்தில் உள்ளனர்.

இந்நிலையில்அம்மீனவரை மீட்க தவறியதாக மத்திய, மாநில அரசுகளை கண்டித்து ஏ.ஐ.டி.யூ.சி., கடல் தொழிலாளர் சங்கத்தினர் ராமேஸ்வரம் மீனவளத்துறை டோக்கன் வழங்கும் அலுவலகத்தை முற்றுகையிட்டனர்.