முதுகுளத்துார் உட்கோட்டத்திற்கு உட்பட்ட பகுதியில் பெண்கள் ஏதேனும் புகார் அளிக்க வேண்டும் என்றால் பரமக்குடி, கமுதி அனைத்து மகளிர் போலீஸ் ஸ்டேஷன் சென்று வந்தனர். இதையடுத்து கடந்த 2022ம் ஆண்டு பெண்களின் பாதுகாப்பை உறுதி செய்யும் வகையில் அனைத்து உட்கோட்டங்களிலும் ஒரு மகளிர் போலீஸ் ஸ்டேஷன் என்ற வகையில் புதிதாக முதுகுளத்துார் உட்கோட்டத்திற்கு உட்பட்ட பகுதியில் மகளிர் போலீஸ் ஸ்டேஷன் திறக்கப்பட்டது. அன்றுமுதல் வழிவிடு முருகன் கோயில் பின்புறம் உள்ள வாடகை கட்டடத்தில் செயல்பட்டு வருகிறது. இதனால் அரசின் நிதி வீணடிக்கப்படுகிறது.

மகளிர் போலீஸ் ஸ்டேஷன் திறக்கப்பட்டு மூன்று ஆண்டுகளாக இதுவரை நிரந்தர கட்டடம் வசதி இல்லாமல் சிரமப்பட்டு வருகின்றனர். போதுமான இட வசதி இல்லாமலும் போலீஸ் சிரமப்படுகின்றனர். எனவே மகளீர் ஸ்டேஷனுக்கு நிரந்தர கட்டடம் கட்ட அரசு முன்வர வேண்டும்.