இந்த விருது ரூ.1 லட்சம் ரொக்கம், பாராட்டுப் பத்திரம் மற்றும் பதக்கம் ஆகியவற்றை உள்ளடக்கியதாகும்.

அதன்படி 2025-ம் ஆண்டிற்கான முதல்வர் மாநில இளைஞர் விருது ஆக.,15 சுதந்திர தின விழாவில் வழங்கப்படவுள்ளது.

கடந்த நிதியாண்டில் (2024--2025) அதாவது 2024 ஏப்.,1 முதல் 2025 மார்ச் 31 வரை மேற்கொள்ளப்பட்ட சேவைகள் மட்டுமே கருத்தில் கொள்ளப்படும்.குறைந்தபட்சம் 5 ஆண்டுகள் தமிழகத்தில் குடியிருந்தவராக இருத்தல் வேண்டும்.

சமுதாய நலனுக்காக தன்னார்வத்துடன் தொண்டாற்றியிருக்க வேண்டும். மத்திய, மாநில அரசு ஊழியர்கள், அரசு பொதுத்துறை நிறுவனங்கள், பள்ளி, கல்லுாரிகளில் பணிபுரிபவர்கள் இவ்விருதிற்கு விண்ணப்பிக்க இயலாது.

இணையதளம் மூலம் மே 3 மாலை 4.00 மணிக்குள் விண்ணப்பிக்க வேண்டும்.

தமிழ்நாடு விளையாட்டு மேம்பாட்டு ஆணைய www.sdat.tn.gov.in என்ற இணையதளத்தில் மட்டுமே விண்ணப்பிக்க வேண்டும் என கலெக்டர் சிம்ரன்ஜீத் சிங் காலோன் தெரிவித்துள்ளார்.