இந்நிலையில், 108 திவ்யதேசங்களில் ஒன்றான சோளிங்கர் நரசிம்ம சுவாமி கோவிலில், நேற்று திருக்கல்யாண வைபவம் நடந்தது. சோளிங்கர் ஊர் கோவிலில் இருந்து நரசிம்மரின் உற்சவ மூர்த்தியான பக்தோசித பெருமாள், நேற்று காலை பெரிய மலையில் எழுந்தருளினார்.

பகல் 12:00 மணிக்கு புஷ்பயாக மண்டபத்தில் தாயார் எழுந்தருளினார். மாலை 4:00 மணிக்கு திருக்கல்யாண சீர்வரிசை கொண்டு வரப்பட்டது. மாலை 4:30 மணிக்கு காசி யாத்திரை மற்றும் மாலை மாற்றும் நிகழ்ச்சி நடந்தது.

தொடர்ந்து, மாலை 6:00 மணிக்கு திருக்கல்யாண வைபவம் நடந்தது. மாலை 8:30 மணிக்கு சுவாமி மணக்கோலத்தில் எழுந்தருளினார். இதில், திரளான பக்தர்கள் பங்கேற்றனர்.