சேலம் வடக்கு தொகுதி, எம்.எல்.ஏ., ராஜேந்திரன் தலைமையில் கட்சியினர், அண்ணாதுரை சிலைக்கு மாலை அணிவித்து மரியாதை செலுத்தினர். அவைத்தலைவர் சுபாஷ், பொருளாளர் கார்த்திகேயன், மேயர் ராமச்சந்திரன், மாநகர செயலர் ரகுபதி உள்ளிட்ட கட்சியினர் பங்கேற்றனர்.அதேபோல் அ.தி.மு.க.,வின் சேலம் மாநகர் மாவட்ட செயலர் வெங்கடாஜலம், அமைப்பு செயலர் செம்மலை உள்ளிட்ட கட்சயினர், அண்ணாதுரை சிலைக்கு மாலை அணிவித்து மரியாதை செலுத்தினர். இதில் தெற்கு தொகுதி, எம்.எல்.ஏ., பாலசுப்ரமணியன், முன்னாள் எம்.பி., பன்னீர்செல்வம், முன்னாள் எம்.எல்.ஏ.,க்கள் செல்வராஜ், ரவிச்சந்திரன், பகுதி செயலர்கள் உள்ளிட்ட கட்சியினர் பங்கேற்றனர்.

ஆத்துார், கோட்டையில் உள்ள அண்ணாதுரை சிலைக்கு, அ.தி.மு.க., சார்பில் சேலம் புறநகர் மாவட்ட செயலர் இளங்கோவன் மரியாதை செலுத்தினார். எம்.எல்.ஏ.,க்கள் ஆத்துார் ஜெயசங்கரன், கெங்கவல்லி நல்லதம்பி, நகர செயலர் மோகன், தலைவாசல் ஒன்றிய செயலர் ராமசாமி உள்பட பலர் பங்கேற்றனர். ஆத்துார் புது பஸ் ஸ்டாண்டில் உள்ள அண்ணாதுரை சிலைக்கு, ஆத்துார் நகர தி.மு.க., சார்பில், நகர செயலர் பாலசுப்ரமணி தலைமையில் கட்சியினர் மாலை அணிவித்தனர்.

தாரமங்கலத்தில் மேற்கு மாவட்ட, தி.மு.க., சார்பில் எம்.பி., செல்வகணபதி தலைமையில் கட்சியினர், அண்ணாதுரை சிலைக்கு மாலை அணிவித்தனர். அ.தி.மு.க., சார்பில், ஓமலுார் எம்.எல்.ஏ., மணி, சங்ககிரி எம்.எல்.ஏ., சுந்தரராஜன் உள்ளிட்டோர் பங்கேற்றனர்.

அதேபோல் இடைப்பாடி உள்பட மாவட்டம் முழுதும் அண்ணாதுரை பிறந்தநாளையொட்டி, அ.தி.மு.க., - தி.மு.க., உள்ளிட்ட கட்சியினர், மாலை அணிவித்து மரியாதை செலுத்தினர்.