தாரமங்கலம்:தாரமங்கலம் ஜோதி மேல்நிலைப்பள்ளியில் மாணவர்களுடன் அறிவியல் கலந்துரையாடல் நிகழ்ச்சி நடந்தது.

இதில், 'இஸ்ரோ' முன்னாள் விஞ்ஞானி, ராக்கெட் வடிவமைப்பாளர் இளங்கோவன், அறிவியல் குறித்து மாணவர்கள் இடையே பேசினர். தொடர்ந்து அவர்கள் கேட்ட வினாக்களுக்கு பதில் அளித்தார். மேலும் மாணவர்கள் செய்து வைத்திருந்த அறிவியல் கண்காட்சியை பாராட்டினார்.

இதில், 6 முதல், 10ம் வகுப்பு மாணவர்கள் பங்கேற்றனர். மேலும் பள்ளி தாளாளர்கள் ஞானஜோதி, ஓம்பிரகாஷ், தலைமையாசிரியை ரோஜாராணி, ஆசிரியர்கள் பங்கேற்றனர்.