சேலம்:தமிழ் புத்தாண்டு, பண்டிகை கால பயணியர் நெரிசலை குறைக்க, சேலம் வழியே சிறப்பு ரயில்கள் அறிவிக்கப்பட்டுள்ளன.

இதுகுறித்து சேலம் ரயில்வே கோட்ட நிர்வாக அறிக்கை: சென்னை சென்ட்ரல் - போத்தனுார் சிறப்பு ரயில், ஏப்., 11(நாளை) இரவு, 11:50க்கு புறப்பட்டு, சேலம், ஈரோடு, திருப்பூர் வழியே, மறுநாள் காலை, 8:30 மணிக்கு போத்தனுாரை அடையும். சேலத்துக்கு அதிகாலை, 5:12, ஈரோட்டுக்கு, 6:15க்கு வந்து செல்லும். மறுமார்க்க ரயில், ஏப்., 14 இரவு, 11:30 மணிக்கு கிளம்பி, அடுத்தநாள் காலை, 8:20க்கு சென்ட்ரலை அடையும். ஈரோடுக்கு அதிகாலை, 12:50, சேலத்துக்கு, 1:47க்கு வந்து செல்லும்.

அதேபோல் சென்னை சென்ட்ரல் - கன்னியாகுமரி சிறப்பு ரயில், ஏப்., 10(இன்று), 17 இரவு, 7:00 மணிக்கு புறப்பட்டு, அரக்கோணம், காட்பாடி, ஜோலார்பேட்டை, சேலம், நாமக்கல், கரூர், திண்டுக்கல் வழியே, மறுநாள் காலை, 10:00 மணிக்கு கன்னியாகுமரியை அடைகிறது. சேலத்துக்கு அதிகாலை, 12:15க்கும், நாமக்கல், 1:04, கரூர், 1:43க்கு வந்து செல்லும்.

மறுமார்க்க ரயில், ஏப்., 11(நாளை), 18 இரவு, 8:00 மணிக்கு கிளம்பி, அடுத்தநாள் காலை, 11:00 மணிக்கு, சென்ட்ரலை அடையும். கரூருக்கு அதிகாலை, 3:10, நாமக்கல், 3:40, சேலம், 4:40க்கு வந்து செல்லும்.