சேலம்:சேலம் விநாயகா மிஷன்ஸ் ஆராய்ச்சி நிறுவன நிகர்நிலை பல்கலையின், ஆண்டு விளையாட்டு போட்டி, 'வின்ஸ்போர்ட்ஸ் - 2025' பெயரில் நேற்று தொடங்கியது.

அதன் ஆராய்ச்சி நிறுவன தலைவர் சரவணன், ஒலிம்பிக் ஜோதியை ஏற்றி, போட்டியை தொடங்கி வைத்தார். இதில் பல்கலை துணைவேந்தர் கதிர் தலைமை விருந்தினராக பங்கேற்றார். இன்று நிறைவு விழா நடக்கிறது.

அதில் அர்ஜூனா, கேல் ரத்னா, பத்மஸ்ரீ விருதுகளை வென்ற, பாராலிம்பிக் தடகள வீரர் மாரியப்பன், தலைமை விருந்தினராக பங்கேற்கிறார். அவர், போட்டியில் வெற்றி பெற்ற மாணவ, மாணவியருக்கு புத்தகங்கள், சான்றிதழ்களை வழங்குகிறார். இதில் பல்கலை பதிவாளர் நாகப்பன், கவுரவ விருந்தினராக பங்கேற்கிறார்.

பல்கலை மாணவர் நல இயக்குனர் சண்முக சுந்தரம், விநாயகா மிஷன்ஸ் உடற்கல்வியியல் கல்லுாரி முதல்வர் சரவணன், இயக்குனர் பினோத், மாணவ, மாணவியர், ஏற்பாடுகளை செய்கின்றனர். பல்கலை இயக்குனர்கள், அனைத்து உறுப்பு கல்லுாரிகளின் முதல்வர்கள், பேராசிரியர்கள் பங்கேற்கின்றனர்.